لبنان کو آل سعود حکومت سے ہوشیار رہنے کی ضرورت ہے:نائب صدر ایگزیکٹو کونسل حزب اللہ
بیروت (مانیٹرنگ ڈیسک) لبنان کی مقاومتی تحریک حزب اللہ کی ایگزیکٹو کونسل کے نائب صدر نے اس بات پر انتباہ کیا ہے کہ لبنانی حکومت سعودیوں کی چال اور میٹھی میٹھی باتوں میں نہ پھنسے۔ حزب اللہ کی ایگزیکٹو کونسل کے نائب صدر ’’علی دعموش‘‘ حکومت لبنان اور عوام سے آل سعود کی چرب زبان سے ہوشیار رہنے کی تلقین کی ہے۔
انہوں نے سعودی عرب کے خصوصی ایلچی نزار العلولا کے حالیہ دورہ بیروت کے حوالے سے کہا کہ سعودی ایلچی نے بڑی میٹھی میٹھی باتیں کہی ہیں مگر لبنانی حکومت ان کی باتوں میں نہ آئے۔انہوں نے کہا کہ کسی کو بھی لبنان کے ساتھ سیاسی تعلقات میں بہتری اور ریاض میں لبنانی وزیراعظم کے استقبال کے حوالے سے سعودی باتوں میں نہیں آنا چاہئے۔
حزب اللہ کے رہنما نے کہا کہ لبنانی عوام یہ ہرگز نہیں بھول پائیں گے کہ سعودی عرب نے ہمیشہ لبنان کے اندرونی معاملات میں مداخلت کی ہے، لبنانی گروہوں کو ایک دوسرے کے اختلاف مشتعل کیا، لبنانی وزیراعظم کو حراست میں رکھا اور لبنانی قوم کے خلاف سعودیوں کے توہین آمیز بیانات دئے ہیں۔
انہوں نے کہا کہ سعودی عرب اب بھی لبنان کے اندرونی مسائل میں مداخلت کررہا ہےاور سعودیہ نے لبنان کے اگلے انتخابات میں حزب اللہ کے خلاف محاذ بھی کھول دیا ہے۔
حزب اللہ کے سنیئر رہنما علی دعموش نےمزید کہا کہ امریکہ اور سعودی عرب لبنانی عوام جو مشکل حالات میں مقاومت فرنٹ اور شہدا کے مقاصد کے لئے کھڑے رہےکے ضمیر کوپیسوں کے بل بوتے پر نہیں خریدسکتے۔
