عراق شام کے ساتھ تعلقات کو انتہائی اہمیت دیتا ہے عراقی وزیر خارجہ ابراہیم الجعفری

عراقی وزیر خارجہ ابراہیم الجعفری نے دونوں ملکوں کے تعلقات کو دیرینہ اور دوستانہ قرار دیا۔ انہوں نے کہا کہ عراق اور شام کے درمیان جعفرافیائی اور تاریخی تعلقات اور مشترکہ مفادات کا تقاضا ہے کہ دونوں ممالک دہشت گردی کے خلاف جنگ میں بھی ایک دوسرے کے ساتھ تعاون کریں۔عراقی وزیر خارجہ نے واضح کیا کہ ان کا ملک شام کے ساتھ تعلقات کو انتہائی اہمیت دیتا ہے کیونکہ شام، ہزاروں عراقی پناہ گزینوں کی میزبانی کرتا رہا ہے۔انہوں نے کہا کہ شام نے ایسے وقت میں عراقیوں کے لیے اپنی سرحدیں کھولیں جب بیشتر ملکوں نے عراقیوں کو پناہ دینے سے انکار کردیا تھا۔قابل ذکر ہے کہ سن دوہزار چودہ کے وسط میں جب داعش نے عراق کے مختلف شہروں پر قبضہ کرلیا تھا ہزاروں عراقی شہری شام میں پناہ لینے پر مجبور ہوگئے تھے۔عراق اور شام کے درمیان ہونے والے اتفاق رائے کے مطابق عراقی پناہ گزینوں کی واپسی کا عمل گزشتہ سال بیس نومبر سے شروع ہوگیا ہے۔