ہم رہیں گے جبکہ بحرینی عوام کے حقوق پر ڈاکہ ڈالنے والے غاصبوں کو جانا ہو گا،بحرینی رہنما

منامہ(مانیٹرنگ ڈیسک) بحرین کی 14 فروری نامی تحریک کے نے ایک بار پھر اس عزم کا اظہار کیا ہے کہ ہم اپنے مطالبات سے پیچھے ہٹ سکتے ہیں نہ ہی ہٹیں گے، ہم کمزور نہیں ہیں، ہم رہیں گے جبکہ عوام کے حقوق پر ڈاکہ ڈالنے والے دشمنوں کو جانا ہو گا۔

ہم رہیں گے جبکہ بحرینی عوام کے حقوق پر ڈاکہ ڈالنے والے غاصبوں کو جانا ہو گا، 14فروری تحریک
خبر رساں ادارے تسنیم کے مطابق بحرین کی 14 فروری نامی تحریک کی کال پر اس ملک کے مختلف علاقوں میں عوام پرجوش انداز میں سڑکوں پر نکل آئی اور آل خلیفہ حکومت کیخلاف زبردست نعرہ بازی کی۔

واضح رہے کہ 14 فروری تحریک کے ترجمان نے ایک پیغام میں 14 فروری کی انقلاب کی ساتویں سالگرہ پر بحرینی عوام کو سڑکوں پر منانے کی اپیل کی تھی اور اپنے پیغام میں کہا تھا کہ ہم اس بات کی تصدیق کرتے ہیں کہ ہم اور آپ رہیں گے، ہم کمزور نہیں ہوں گے، ہم اپنے جائز مطالبات سے پیچھے نہیں ہٹیں گے، ہم دھوکہ نہیں کھائیں گے، ہم باقی رہیں گے۔
بحرین کی شاندار انقلابی تحریک کی ساتویں سالگرہ کو بحرینی عوام نے اس تحریک کے شہداء کی یاد اس متحدہ نعرے کہ "ہم رہیں گے” کے ساتھ منائی۔
واضح رہے کہ بحرین میں اپنے جمہوری حقوق اور سماجی انصاف کے لئے چلائی گئی مطالباتی تحریک کو سات سال گزر چکے ہیں جبکہ آل خلیفہ حکومت کی جانب سے اس تحریک کو کچلنے کے باوجود یہ تحریک اب بھی کسی نہ کسی شکل میں جاری ہے۔
قابل ذکر ہے کہ 14 فروری تحریک کے بیان میں کہا گیا تھا کہ آل خلیفہ سمجھتے تھے کہ عوام جلد تھک کر ہار مان لیں گے اور مایوس ہو کر اپنے گھروں میں بیٹھ جائیں گے لیکن ہماری امیدیں اب بھی جوان ہیں، مایوسی تو حکمرانوں کو ہوئی کہ عوام اب بھی بیدار ہے اور سراپا احتجاج ہیں۔