قطر نے غزہ میں جنگ بندی کی امریکی تجویز کی حمایت کر دی

شیعیت نیوز:امریکی وزیر خارجہ کے ساتھ پریس بریفنگ میں قطر کے وزیر اعظم اور وزیر خارجہ شیخ محمد بن عبدالرحمان آل ثانی نے کہا ہے کہ غزہ میں واضح اور مستقل جنگ کے خاتمے کا مطالبہ کرتے ہیں۔

قطری وزیر اعظم نے مزید کہا کہ غزہ میں جنگ بندی کی امریکی تجویز حماس اور اسرائیل کے درمیان خلیج کو ختم کرنے کا بہترین طریقہ ہے۔

جس کے باعث ہم اس تنازع سے بھرپور ماحول میں پہلی بار تبدیلی دیکھ رہے ہیں۔

یہ بھی پڑھیں:صہیونی دشمن کو بھاری قیمت چکانی پڑے گی، عراقی استقامت

وزیر اعظم شیخ محمد بن عبدالرحمان آل ثانی نے کہا امریکی روڈ میپ پر اتفاق کے لیے فریقین اسرائیل اور حماس پر دباؤ ڈالنے کی ضرورت تھی جو نتیجہ خیز ثابت ہوئی۔

خیال رہے کہ امریکی وزیر خارجہ انٹونی بلنکن سیز فائر کے لیے امریکی تجویز پر اتفاق رائے پیدا کرنے اور فوری عمل درآمد کے لیے مغربی ایشیا کے اہم دورے پر ہیں۔

امریکی صدر جو بائیڈن نے مئی میں غزہ میں مستقل جنگ بندی کے لیے تین مرحلوں پر مشتمل روڈ میپ پیش کیا تھا جس پر اسرائیل اور حماس نے اپنی حمایت کا بھی مشروط یقین دلایا ہے۔