العوامیہ میں سعودی فوجیوں کے ہاتھوں ایک نوجوان کی شہادت

سعودی عرب کے مشرقی شہر العوامیہ سے موصولہ خبروں میں بتایا گیا ہے کہ سعودی فوجیوں نے سلمان علی سلمان الفرج نامی ایک نوجوان کو فائرنگ کا نشانہ بنایا جس میں وہ شہید ہو گیا-

سعودی فوجیوں نے اس نوجوان کو شہید کرنے کے بعد اس کے گھر والوں اور اس کی بیوی کو بھی گرفتار کر لیا- سعودی عرب کے مشرقی شہرالعوامیہ اور مشرقی علاقوں کے دیگر شہر، گذشتہ کئی مہینوں سے فوجی چھاؤنی میں تبدیل ہو گئے ہیں-

سعودی فوج اور سیکورٹی فورس کے اہلکار، دو ہزار گیارہ سے اب تک العوامیہ کے بہت سے عام شہریوں کو حکومت پر تنقید کرنے کے جرم میں گرفتار کر چکی ہے-

واضح رہے کہ سعودی وزارت داخلہ ہرتھوڑے تھوڑے عرصے کے بعد مشرقی علاقوں پر حملے کرنے کا حکم دیتی رہتی ہے-