ٹرمپ کی کامیابی کا ایک سال، امریکا میں دہشت گردی کے واقعات
ٹھیک 365 روز قبل امریکا سے تعلق رکھنے والے نامور کاروباری شخصیت ڈونلڈ ٹرمپ کو امریکا کے 45ویں صدر منتخب کیے گئے تھے۔
ڈونلڈ ٹرمپ کا تعلق ری پبلکن پارٹی سے تھا، انہوں نے ڈیموکریٹک پارٹی کی ہیلری کلنٹن کو غیر متوقع شکست دی اور اگلے 4 سالوں کے لیے امریکی صدارت پر اپنا نام لکھاوا دیا۔
ان کی فتح کے بعد بہت سی ایسی رپورٹس بھی سامنے آئیں جن میں دعویٰ کیا گیا تھا کہ اگر ڈونلڈ ٹرمپ کامیاب ہوئے تو یہ بہت بڑا عالمی خطرہ ہوگا۔
امریکا کے 45ویں صدر صرف اپنی صدارت کے باعث ہی نہیں بلکہ ذاتی زندگی کے حوالے سے بھی اس پورے سال زیر بحث رہے۔
ویسے تو ڈونلڈ ٹرمپ گذشتہ سال آج ہی کے دن امریکا کے صدر منتخب ہوئے تاہم انہوں نے 20 جنوری 2017 کو براک اوباما کی جگہ عہدہ صدارت کا حلف اٹھایا تھا۔
براک اوباما کی صدارت کے بعد امریکیوں کے ساتھ ساتھ دنیا بھر کی نظریں ڈونلڈ ٹرمپ پر مرکوز رہیں کہ وہ اپنے دور صدارت میں امریکا کے لیے کیا کیا کریں گے، اور اس دوران کس طرح کی بہتریاں سامنے آئیں گی۔
تاہم اگر صرف اس ایک سال پر نظر ڈالی جائے تو امریکا میں ڈونلڈ ٹرمپ کے صدر منتخب ہونے کے بعد سے اب تک بہت سے ناخوشگوار واقعات کا سامنا لوگوں کو کرنا پڑا، جس پر کئی ایسا کہنے پر بھی مجبور ہوگئے کہ ڈونلڈ ٹرمپ کے صدر منتخب ہونے کے بعد سے امریکا کے حالات دن بہ دن خراب ہوتے چلے جارہے ہیں۔یہاں ایک نظر گذشتہ ایک سال سے اب تک کہ چند ناخوشگوار واقعات پر ڈالی جارہی ہے:
ڈونلڈ ٹرمپ کے صدر منتخب ہونے کے بعد ہی امریکی ریاست کیلیفورنیا کے ایک پولنگ اسٹیشن میں فائرنگ کا واقعہ بھی پیش آیا جس میں ایک شخص ہلاک اور دو خواتین زخمی ہوئیں تھی۔
ڈونلڈ ٹرمپ کی جیت کے بعد امریکا کے مختلف شہروں اور تعلیمی اداروں میں باحجاب مسلم لڑکیوں اور خواتین پر حملوں کے واقعات میں اضافہ ہوا۔
