رانا ثناء کی نااہلی کیلئے ناصر شیرازی کی درخواست پہ ہائی کورٹ کا دو رکنی بینچ تشکیل
شیعیت نیوزـ : رانا ثناء اللہ کی نااھلی کےلیے ایم ڈبلیو ایم کے رہنما ناصر شیرازی کی درخواست پہ ہائی کورٹ کا دو رکنی بینچ تشکیل پا گیا، لاہور ہائی کورٹ کہ چیف جسٹس مسٹر جسٹس سید منصور علی شاہ نے صوبائی وزیر رانا ثناءاللہ کی نااہلی کے لیے 2 رکنی بنچ تشکیل دے دیا ۔
دو دکنی بنچ انٹر کورٹ اپیل پر آج سماعت کرے گا ، تفصیلات کے مطابق جسٹس امین الدین کی سربراہی میں دو رکنی بنچ اپیل کو سننے گا۔بنچ مسٹر جسٹس شاہد کریم کی جانب سے درخواست مسترد کرنے کے خلاف اپیل کی سماعت کرے گاانٹرا کورٹ اپیل مجلس وحدت مسلمین کے رہنماء ناصر عباس شیرازی نے ایڈوکیٹ فدا حسین رانا کی وساطت سے دائر کی ہے، اپیل میں چیف سیکرٹری پنجاب، وزیر قانون رانا ثناءاللہ اور الیکشن کمیشن پاکستان کو فریق بنایا گیا ہے ،
تفصیلات کے مطابق رانا ثناء اللہ نے سانحہ ماڈل ٹاون کی جوڈیشل کمیشن کے سربراہ کے بارے میں بیانات دیئے تھے، اپیل کنندہ کا کہنا ہے کہ وزیر قانون رانا ثناءاللہ کے ایسے بیانات سے ملک میں انتشار اور افراتفری پھیلنے کا خدشہ ہے.اپیل کنندہ صوبائی وزیر قانون آرٹیکل 63،62 پر پورا نہیں اترتے،اپیل کنندہ کےمطابق سنگل بنچ نے حقائق کے برعکس فیصلہ دیا، عدالت سنگل بنچ کا فیصلہ کالعدم قرار دے، انہوں نے کہا کہ عدالت فوری طور پر رانا ثنااللہ کو صوبائی اسمبلی کی نشت سے نا اہل کرے۔
واضح رھے کہ پنجاب کہ صوبائی وزیر رانا ثناء اللہ نے ماڈل ٹاون کیس کا فیصلہ سنانے والے جج کو شیعہ قرار دے کر فیصلہ کو متنازعہ بنانے کئ کوشیش کی تھی جس پہ مجلس وحدت کہ رہنما ناصر شیرازی نے کورٹ میں اپیل دائر کی تھی۔
