مستونگ میں شہید ہونے والے ۴ شیعہ افراد کی نماز جنازہ ادا کردی گئی ہے
شیعیت نیوز: مستونگ میں شہید ہونے والے ۴ شیعہ افراد کی نماز جنازہ ادا کردی گئی ہے۔
اطلاعات کے مطابق گذشتہ روز داعش کے ایک گروپ کالعدم لشکر جھنگوی ( مولوی رمضان مینگل گروپ ) کے دہشتگردوں کی فائرنگ سے شہید ہونے والوں کی نماز جنازہ آج صبح ادا کردی گئ ہے جبکہ انکی تدفین ہزارہ قبرستان ہزارہ ٹاون میں کی گئی۔
واضح رہے کہ بدھ کی صبح صوبہ بلوچستان کے علاقے مستونگ میں کالعدم تکفیری ملک دشمن دہشتگرد تنظیم لشکر جھنگوی (داعش) کے کارندوں نے مسافر گاڑی میں سوار چار شیعہ ہزارہ مسلمانوں پر فائرنگ کھول دی، جسکے نتیجے میں ایک خاتون سمیت 4 افراد شہید ہوگئے تھے۔ ٹارگٹ کلنگ کا یہ واقعہ مین آر سی ڈی شاہراہ مستونگ میں اس وقت پیش آیا، جب شیعہ ہزارہ مسلمان کوئٹہ سے کراچی کیجانب سفر کر رہے تھے۔ علاوہ ازیں گذشتہ شب کوئٹہ کے علاقے کاسی روڈ پر نامعلوم مسلح افراد نے اچانک گاڑی پر اندھا دھند فائرنگ کر دی۔
یاد رہے اس سے قبل 4 جون 2017ء کو بھی رمضان المبارک کے مہینے میں کوئٹہ کے علاقے اسپنی روڈ پر داعشی دہشتگردوں کیجانب سے شیعہ ہزارہ بہن بھائی کو ٹارگٹ کلنگ کرکے شہید کر دیا گیا تھا، جبکہ گذشتہ دو مہینے سے بلوچستان کی سکیورٹی فورسز کے افسران بھی انہی دہشتگردوں کے نشانے پر ہیں، جن میں اب تک دو ایس ایس پی اور ایک ڈی ایس پی رینک کے آفیسران کو شہید کیا گیا ہیں
