صوبہ الانبار میں داعش کے ٹھکانوں پر عراقی فضائیہ کی شدید بمباری
عراقی فوج کی ساتویں ڈویژن کے کمانڈر نعمان عبدالزوبعی نے سومریہ نیوز سے گفتگو کے دوران کہا کہ عراق کے سوخوئی جنگی طیاروں نے صوبہ الانبار کے سرحدی شہر القائم کے کرابلہ علاقے میں داعش کے بم بنانےوالے کارخانے، ہتھیاروں کے گوادموں اور ان کے ٹھکانوں پر شدید بمباری کی۔
عراقی فوج کے مذکورہ کمانڈر نے کہا عراقی فضائیہ نے ایک اور حملے میں جو الرطبہ کے علاقے میں کیا گیا مزید کئی دہشت گردوں کو موت کے گھاٹ اتاردیا ہے۔
اس دوران عراق میں صدر دھڑے سے وابستہ فوجی بازو سرایا السلام کے ایک کمانڈر ناجی المریانی نے بھی اپنے بیان میں کہا ہے کہ صوبہ صلاح الدین میں ضلوعیہ ہوائی اڈے اور مطیبیجہ علاقے کے درمیان رابطہ شاہراہ کو کاٹ دینے کے مقصد سے داعش کے ٹھکانوں پر زبردست حملہ کیا گیا جس میں داعش کے تیرہ دہشت گرد ہلاک ہوگئے ہیں۔ ہلاک ہونےوالوں میں داعش کے کئی سرغنے بھی شامل ہیں۔
سرایا السلام کے کمانڈر ناجی المریانی نے کہا کہ جو تیرہ دہشت گرد ہلاک ہوئے ہیں ان میں سے دس کا تعلق دوسرے ملکوں سے ہے جبکہ تین کا تعلق عراق سے ہے جو داعش کے سرغنے تھے۔
