یمن پر حملے بند کئے جانے کی ضرورت پر روس کی تاکید

روسی وزارت خارجہ کی ترجمان نے یمن پر سعودی اتحاد کے حملے بند کئے جانے کی ضرورت پر زور دیا ہے-

روسی وزارت خارجہ کی ترجمان ماریا زاخارووا نے جمعے کو یمن پر جاری سعودی حملوں کا ذکر کرتے ہوئے ، آل سعود کے ہاتھوں یمنیوں کا قتل عام روکے جانے اور اس جنگ کے خاتمے کے لئے عالمی برادری سے فوری مدد کی اپیل کی ہے-

زاخارووا نے کہا کہ دوستانہ امور میں اقوام متحدہ کے سیکریٹری جنرل کے مشیر اسٹیفن اوبرائن کے مطابق یمن پر سعودی عرب کے حملوں میں اب تک دس ہزار افراد اپنی جانوں سے ہاتھ دھو بیٹھے ہیں جبکہ دو کروڑ دس لاکھ افراد کو فوری امداد کی ضرورت ہے-

روسی وزارت خارجہ کی ترجمان نے کہا کہ ستر لاکھ یمنی باشندے بھوک کے سبب موت کے دہانے پر پہنچ چکے ہیں اور بے گھر لوگوں کی تعداد بھی بڑھ کر تیس لاکھ سے زیادہ ہوگئی ہے-

زاخارووا نے بحران یمن کے حل پر تاکید کرتے ہوئے کہا کہ یمن کے بحران کا سیاسی حل ، تمام سیاسی اور اجتماعی گروہوں کے فائدے اور اس ملک میں انسانی صورتحال کی بہتری پر منتج ہوگا –

یاد رہے کہ سعودی حکومت نے علاقے کی بعض عرب حکومتوں کے اتحاد اور امریکا کے تعاون سے مارچ دوہزار گیارہ سے یمن پر جارحیت شروع کی ہے اور ڈیڑھ سال سے زائد عرصے سے جاری جارحانہ حملوں میں سیکڑوں خواتین اور بچوں سمیت ہزاروں یمنی شہری شہید ہو چکے ہیں اور ملک کا بنیادی ڈھانچہ تباہ ہوگیا ہے۔