علامہ احمد اقبال رضوی گرفتاری کے بعد ضمانت پر رہا

شیعیت نیوز: مجلس وحدت مسلمین کے مرکزی ڈپٹی سیکریٹری جنرل علامہ سید احمد اقبال رضوی کو سندھ پولیس کے اہلکاروں نے ان کے گھر سے رات کی تاریکی میں گرفتار کرلیا تھا، تفصیلات کے مطابق گذشتہ رات چار بجے پولیس کی بھاری نفری نے علامہ سید احمد اقبال رضوی کی رہائش گاہ پر چھاپہ مارا اور انہیں سوتے سے اٹھا کر اپنے ساتھ لے گئے اور نامعلوم مقام پر منتقل کردیا، واضح رہے کہ گذشتہ شب کراچی میں ریاستی اداروں کی جانب سے ظالمانہ بیلنس پالیسی کے تحت فرزند پاکستان سید فیصل رضا عابدی ، بزرگ عالم دین اور داعی اتحاد علامہ مرزایوسف حسین اور دیگر شیعہ جوانوں کی بلاجواز گرفتاریوں کے نمائش چورنگی کراچی پر مجلس وحدت مسلمین کے تحت پر امن احتجاجی مظاہرہ کرنے کے جرم میں علامہ سید احمد اقبال رضوی ، فیصل رضا عابدی کے بھائی مصطفیٰ عابدی سمیت 10نامزداور 150نامعلوم افراد کے خلاف حکومتی مدعت میں سولجر بازار تھانے میں مقدمہ درج کیا گیا تھا جس کہ نتیجے میں یہ گرفتاری عمل میں آئی تھی ۔

آج صبح علامہ احمد اقبال رضوی کو عدالت میں پیش کیا گیا تھا جہاں سے انکی ضمانت منظور کرلی گئی ہے۔