دنیا بھر میں یوم عاشورہ کس طرح منایا گیا، تصویری رپورٹ دیکھیں

شیعیت نیوز: کربلا / تہران / مناما / بیروت سمیت دنیا بھرمیں یوم عاشور عقیدت و احترام سے منایا گیا، ایران اور عراق کی طرح یورپ اور امریکہ میں بھی عاشورہ عقیدت و احترام سے منایا گیا۔

 کربلا میں روضہ امام حسین علیہ سلام کے روضہ مبارک پر لاکھوں افراد کا اجتماع ہوا ،لاکھوں کی تعداد میں امام حسین عالی مقام کے زائرین کربلائے معلی پہنچے اور اسلام کی بقاء کی خاطر آپکی قربانی کو خراج تحسین پیش کیا، زائرین میں ہر مکتب فکر اور مذہب کی نمائندگی شامل تھی، دنیا بھر سے آئے زائرین نے آپکے مزار پر حاضری دی ،عزاداروں نے ماتم اور نوحہ خوانی کرکے امام حسین کو خراج عقیدت پیش کیا،اس موقع پر سیکورٹی کے کڑے انتظامات کئے گئے تھے۔

ایران کے دارالحکومت تہران میں یوم عاشور کا مرکزی اجتماع ہوا جس میں ہزاروں افراد شریک تھے ، جبکہ مشہد مقدس اور قم میں بھی لاکھوں کا اجتماع منعقد ہوا ۔

بحرین کے دارالحکومت مناما میں آل خلیفہ کے ظلم و جبر کے باوجود لاکھوں افراد نے یوم عاشور کے جلو س میں شرکت کی جلوس میں بچے بھی بڑی تعداد میں موجود تھے۔ اس موقع پرجگہ جگہ شہدائے کربلا کی یاد میں پانی، شربت اور چائے کی سبیلیں لگائی گئیں تھیں جبکہ عزاداروں میں نیاز بھی تقسیم کی جاتی رہی۔

لبنان میں بھی یوم عاشور عقیدت و احترام سے منایا گیا ،ہزاروں افراد کے اجتماع سے حزب اللہ کے سربراہ حسن نصرا للہ نے خطاب کیا۔

شامی شہرادلب کے مضافات میں واقع دو شہر کفریا اورالفوعہ جو کہ داعش کے نرغے میں ہیں، پوری عقیدت و احترام کے ساتھ شہدائے کربلا معلی کو خرج تحسین پیش کیا گیا

ایشاء یورپ، امریکا اور افریقا کے دیگر ممالک میں بھی عزاداری سید الشہدا منعقد کی گئی، دنیا بھر میں ہونے والے حسینی جلوس نےواضح کردیا کے حسین آج بھی زندہ ہیں اور یزیدیت کی راہ میں سب سے بڑی روکاوٹ ہیں۔

علی گڑھ انڈیا

الخوئی سینٹر نیویارک (امریکا)

 ڈنمارک (یورپ)

دہلی انڈیا

سوئیڈن (یورپ)

ہمبررگ جرمنی

اوسلو ناروے

نائیجریا

اسکے علاوہ یورپ امریکا اور افریقا کے تمام شہروں اور ممالک میں عاشورہ محرم کے حوالے جلوس برآمد کرکے پیغام حیسنی کی تشہر کی گئی،جہاں شرکاء نے امام حسین علیہ سلام کو خراج تحسین بھی پیش کیا۔

انسان کو بیدار تو ہولینے دو

ہر قوم پکارے گی ہمارے ہیں حسین ؑ