بحرین: نوجوانوں کی گرفتاری کا سلسلہ جاری
بحرین میں آل خلیفہ کی سیکورٹی فورس نے گزشتہ چوبیس گھنٹوں کے دوران دسیوں نوجوانوں کو غیرقانونی طور پر گرفتار کر لیا ہے۔
بحرین کے اللؤلؤۃ ٹی وی کی رپورٹ کے مطابق آل خلیفہ کی سیکورٹی فوس کے اہلکاروں نے گزشتہ چوبیس گھنٹوں کے دوران جزیرہ سترہ میں گھروں پر دھاوا بول کر اکیس نوجوانوں کو گرفتار کر لیا جن میں سے پانچ کے بارے میں کوئی اطلاع نہیں ہے۔
آل خلیفہ کے سیکورٹی اہلکاروں نے چھاپوں کے دوران گھروں کے دروازے توڑنے اور گھروں میں توڑ پھوڑ کرنے سے پہلے کوئی وارنٹ گرفتاری اور اجازت نامہ نہیں دکھایا تھا۔
دوسری جانب بحرین کے مختلف علاقوں کے عوام نے الدراز علاقے میں دھرنا دینے والوں کے ساتھ اظہار یکجہتی کے لیے ملک کے مختلف علاقوں میں مظاہرے کیے ہیں۔
ان مظاہروں میں ملک کی شیعہ اکثریت کے خلاف آل خلیفہ حکومت کے ظالمانہ اقدامات کی مذمت کی گئی اور بحرینی شیعوں کے قائد شیخ عیسی قاسم کی حمایت جاری رکھنے پر زور دیا گیا۔
دوسری جانب الدراز کے علاقے میں آیت اللہ شیخ عیسی قاسم کے گھر کے سامنے عوام کے دھرنے کو ایک سو ایک دن ہو گئے ہیں۔
