حزب اللہ کی جانب سے ایران کی حمایتوں کی قدردانی

حزب اللہ لبنان کے نائب سربراہ نے غاصب طاقتوں کے مقابلے میں لبنانی و فلسطینی عوام کی استقامت و مزاحمت کی حمایت کرنے پر ایران کے کردار کو سراہا ہے۔

حزب اللہ کے نائب سربراہ شیخ نعیم قاسم نے ایران کی جانب سے لبنان اور فلسطین کی استقامت کی حمایت کو سراہتے ہوئے کہا کہ شامی عوام کے ساتھ ایران کے کھڑے ہونے کی وجہ سے جدید مشرق وسطی کے منصوبے پرعمل درآمد کی سازش ناکام ہوگئی-

شیخ نعیم قاسم نے کہا کہ ایران، اپنی تقدیر کا فیصلہ کرنے کے یمنی عوام کے حق اور ملت بحرین سمیت علاقے کی دیگر قوموں کی آزادی کی بھی حمایت کرتا ہے- نعیم قاسم نے کہا کہ علاقے کے ممالک کو ایران کے ساتھ کہ جوعلاقے کا واحد ایسا ترقی پذیر ملک ہے جو تمام مسائل کے باوجود علم و ثقافت اور ترقی کی راہ پرگامزن ہے، تعاون کرنا چاہئے تاکہ ان میدانوں میں اس سے فائدہ اٹھا سکیں-

حزب اللہ لبنان کے نائب سربراہ نے تاکید کے ساتھ کہا کہ امریکی، اسرائیلی اور سعودی حکومتوں اور تکفیریوں کے خطروں کے باوجود خلیج فارس کے عرب ممالک کو چاہئے کہ علاقائی تعاون سے بیرونی مداخلت کے بغیر علاقے کے امن وسیکورٹی کا تحفظ کریں-