کوئٹہ، کابل میں ہزارہ شیعہ برادری پر خود کش حملے کے خلاف احتجاجی مظاہرہ
شیعیت نیوز: بلوچستان کے دارالحکومت کوئٹہ میں مجلس وحدت مسلمین کے زیر اہتمام کابل میں ہزارہ شیعہ برادری کی ریلی میں دھماکے اور اسکے نتیجے میں ۱۰۰ سے زائد شہادتوں کے خلاف علمدار روڑ سے بہشت حضرت زینب (س) تک احتجاجی ریلی نکالی گئی جس کی قیادت امام جمعہ مولانا سید ہاشم موسوی نے کی۔
ریلی کے شرکاء نے ہاتھوں میں پلے کارڈز اور بینرز اٹھا رکھے تھے۔ جن پر امریکہ و اسرائیل اور داعش مردہ باد اور افغان حکومت کی نااہلی کیخلاف نعرے درج تھے۔ ریلی میں مختلف طبقے کے افراد نے شرکت کی ظلم کے خلاف جدوجہد کرنے کا عزم ظاہر کیا۔
شرکائے ریلی نے ’’مردہ باد امریکہ، مردہ باد اسرائیل، شہید کی جو موت ہے وہ قوم کی حیات ہے، لبیک یا حسین‘‘ کے نعرے بلند کئے۔
ریلی سے مجلس وحدت مسلمین کے علما نے خطاب میں داعش کو امریکی اور اسرائیلی ایجنٹ قرار دیتے ہوئے تکفیری گروہوں کو عالم اسلام کے چہرے پر بدنما داغ قرار دیا۔