سعودی عرب: شیعہ علاقوں میں مساجد سے آذان نشر کرنے پر پابندی
سعودی حکام نے الاحسا صوبے کے شہر ہفوف میں شیعہ مساجد سے اذان نشر کرنے پر پابندی کا حکم جاری کر دیا ہے۔ اس حکم میں کہا گیا ہے کہ ہفوف کی شیعہ مساجد میں نماز جمعہ کے خطبے کا دورانہ کم کیا جائے اور نماز ختم ہوتے ہی مساجد میں تالے ڈال دیئے جائیں۔
ملک کے شیعہ آبادی والے علاقوں میں یہ اقدامات ایسے وقت میں انجام پا رہے ہیں کہ جب سعودی عرب میں سیاسی کارکنوں اور انسانی حقوق کے لیے کام کرنے والوں کے خلاف کریک ڈاؤن اور انہیں سزائے موت دینے کا سلسلہ جاری ہے۔
کچھ دن قبل سعودی عرب کی شاہی حکومت کے سیکورٹی اہلکاروں نے شیعہ مسلمانوں کے خلاف کریک ڈاؤ ن کا سلسلہ جاری رکھتے ہوئے صوبہ احسا کے امام جمعہ آیت اللہ حسین الراضی کو گرفتار کر لیا تھا۔
آیت اللہ حسین الراضی نے ایک اخبار کو انٹرویو دیتے ہوئے سعودی عرب میں سزائے موت دیئے جانے کے فیصلے کی مذمت کی تھی۔
سعودی حکومت کچھ ماہ قبل سرکردہ شیعہ رہنما آیت اللہ نمر باقر نمر کو سزائے موت دیکر شہید کر چکی ہے۔
سعودی حکومت نے اعلان کیا ہے کہ وہ سیاسی کارکنوں علی نمر، عبداللہ زاہری اور داؤد مرہون کو بھی عنقریب سزائے موت دینے کا ارادہ رکھتی ہے۔
