ایرانی صدر کا دورہ پاکستان انتہائی اہمیت کا حامل ہے، تجزیہ کار

شیعیت نیوز: ایران کے صدر حسن روحانی آج اعلی سیاسی اور تجارتی وفد کے ہمراہ 2 روزہ سرکاری دورے پر پاکستان کی زمین پر آئے ہیں ، تجزیہ کاروں کی جانب سے ایرانی صدر روحانی کے دورہ پاکستان کو اہمیت کا حامل قراردیا جارہا ہے۔ حسن روحانی دورہ پاکستان کے دوران توانائی سمیت کئی اہم تجارتی معاہدوں پر دستخط کیے جائیں گے۔

ایرانی صدر حسن روحانی کے دورہ پاکستان کے دوران سرکاری حکام کے علاوہ تاجر اور سرمایہ کار بھی شامل ہوں گے ۔

 پاکستانی صدر ممنون حسین، وزیر اعظم نواز شریف، آرمی چیف جنرل راحیل شریف سمیت اہم سیاسی شخصیات سے  ایرانی صدر حسن روحانی سے ملاقاتیں کریں گے۔صدر حسن روحانی کا یہ پہلا دورہ پاکستان ہے، اس قبل نومبر2012ءمیں سابق صدر احمدی نژاد اسلام آباد کا دورہ کر چکے ہیں۔

ایران پر عالمی پابندیاں اٹھنے کے بعد دو طرفہ تعلقات اور تعاون کے فروغ کے لیے یہ دورہ بڑی اہمیت کا حامل ہے۔

ایرانی صدر کی پاکستانی قیادت سے ملاقاتوں میں افغانستان، جنوبی ایشیائی خطے اور مشرق وسطیٰ کی صورت حال پر بھی تبادلہ خیال کیا جائے گا، تاہم بات چیت کا محور پاک ایران تجارتی و اقتصادی تعلقات کا فروغ ہوگا۔