بڑی طاقتوں سے جنگ میں ناتوانی کا امریکی اعتراف

امریکہ کے جوائنٹ چیف آف آرمی اسٹاف مارک ملی نے امریکی کانگریس کی مسلح افواج کمیٹی کے اجلاس میں روس، چین، ایران اور شمالی کوریا جیسی طاقتوں سے جنگ کے لئے امریکہ کی توانائی کے بارے میں کہا ہے کہ مالی ذرائع اور مکمل فوجی تربیت کا فقدان، امریکہ کی فوجی آمادگی میں بڑی رکاوٹ کا باعث بنا ہوا ہے۔ انھوں نے کہا کہ فوجی آمادگی و توانائی کے لحاظ سے اس وقت امریکہ، بڑی طاقتوں سے مقابلہ کرنے کی پوزیشن میں نہیں ہے۔ امریکی فضائیہ کے کمانڈر ڈیبورا جیمز نے بھی کہا ہے کہ امریکی فوجیوں کی نصف تعداد میں جنگی آمادگی نہیں پائی جاتی۔ اس کمانڈر نے کہا کہ فوجی آمادگی میں بجٹ بہت اہمیت رکھتا ہے تاہم فوجی آمادگی کے لئے فوجیوں کو تربیت دیئے جانے کی بھی بہت زیادہ ضرورت ہوتی ہے۔ اس سے قبل امریکی فضائیہ کے حکام نے کہا تھا کہ امریکی فضائیہ کو لڑاکا طیاروں کے استعمال کے اعتبار سے پانچ سو کی تعداد میں پائلٹوں کی کمی کا سامنا ہے۔ واضح رہے کہ گیارہ ستمبر دو ہزار ایک کے حملوں کے بعد سے امریکہ کے فوجی اخراجات میں بہت زیادہ اضافہ ہوا ہے اور یہ ایسی حالت میں امریکی فوج کا بجٹ، دنیا کے کسی بھی ملک کا سب سے بڑا فوجی بجٹ شمار ہوتا ہے۔