دہشتگردی کے خاتمہ کیلئے سیاسی و عسکری قیادت ایک صفحہ پر ہے، ناصر جنجوعہ

 قومی سلامتی کے مشیر لیفٹیننٹ جنرل (ر) ناصر خان جنجوعہ نے وزیر اعلیٰ بلوچستان نواب ثناء اللہ خان زہری سے ملاقات کی،جس میں بلوچستان میں سکیورٹی کی صورتحال سمیت باہمی دلچسپی کے دیگر امور پر بھی تبادلہ خیال کیا گیا، ر لیفٹیننٹ جنرل (ر) ناصر خان جنجوعہ نے کہا کہ دہشتگر د ی کے خاتمہ کیلئے سیاسی و عسکری قیادت ایک صفحہ پر ہے، بلوچستان سے دہشتگر دی کے مکمل خاتمہ تک چین سے نہیں بیٹھا جائے گاوزیراعلیٰ بلوچستان نے پرامن بلو چستا ن کے قیام کیلئے حکومتی اقدامات سے انہیں آگاہ کیا، قومی سلامتی کے مشیر نے صوبے میں امن و امان کے قیام کے حوالے سے صوبائی حکومت کے اقدامات کو قابل اطمینان قرار دیا، ملاقات میں اس بات پر اطمینان کا اظہار کیا گیا کہ صوبے سے دہشت گردی کے خاتمہ کیلئے سیاسی اور عسکری قیادت ایک صفحہ پر ہے، متعلقہ سول و عسکری اداروں کے درمیان بہترین روابط کے نتیجے میں امن و امان کی صورتحال میں نمایاں بہتری آئی ہے، جبکہ اس عزم کا اظہار کیا گیا کہ بلوچستان سے دہشت گردی کے مکمل خاتمہ تک چین سے نہیں بیٹھا جائے گا، چیف سیکریٹری بلوچستان چیف اللہ چٹھہ اور رکن صوبائی اسمبلی میر عاصم کرد گیلو بھی اس موقع پر موجود تھے۔