بھارتی جنگی طیاروں کو سعودی سرزمین استعمال کرنیکی اجازت مل گئی

ریخ میں پہلی مرتبہ ایسا ہوا ہے کہ پاکستان کے دیرینہ دشمن بھارت کو اپنے جنگی طیاروں کے استعمال کیلئے سعودی عرب کی سرزمین استعمال کرنے کی اجازت مل گئی ہے۔ شاہ سلمان حکومت کی جانب سے دی گئی اجازت کے بعد پہلی مرتبہ بھارتی جنگی طیاروں نے سعودی عرب میں ایک دن قیام کیا ہے۔ اخبار سعودی گزٹ کے مطابق بھارتی طیارے برطانیہ میں کثیر الملکی جنگی مشقوں میں حصہ لینے جارہے ہیں اور یہ راستے میں قیام کیلئے طائف کی کنگ فہد ائیربیس پر اترے۔ بھارتی فضائی دستے میں عملے کے 110 ارکان، سخوئی 30MKI فائٹر طیارے، C-17 گلوب ماسٹرز، C-130 سپر ہرکولیس اور IL-78 طیارے شامل ہیں۔ SU30MK طیاروں کا تعلق بھارتی ائیرفورس کے No.2 سکواڈرن سے ہے اور یہ کلوز ائیر سپورٹ یونٹ کا حصہ ہیں۔ بھارتی سفارتخانے کے چارج ڈی افیئرز ہیمانت کو تلوار نے بھارتی طیاروں اور فضائی عملے کے سعودی دورے کو نہایت اہم قرار دیتے ہوئے امید کا اظہار کیا کہ اس سے دونوں ممالک کے درمیان دفاعی تعلقات مضبوط ہوں گے۔ انہوں نے دورے کے دوران مدد اور تعاون فراہم کرنے پر شاہ سلمان اور نائب ولی عہد سلطنت اور وزیر دفاع کا شکریہ ادا کیا۔ بھارتی طیارے ایک روزہ قیام کے بعد براستہ یونان برطانیہ چلے گے۔