پراکسی وار ایران کے خلاف امریکا کا نیا حربہ ہے،ریگیڈیئر جنرل احمد رضا

اسلامی جمہوریہ ایران کی برّی فوج کے کمانڈر نے کہا ہے کہ پراکسی وار ایران کے خلاف امریکا کا نیا حربہ ہے-
اسلامی جمہوریہ ایران کی برّی فوج کے کمانڈر بریگیڈیئر جنرل احمد رضا پوردستان نے اتوار کے دن تہران میں ایک تقریب سے اپنے خطاب میں کہا کہ امریکا کو ایران کی مسلح افواج کی طاقت کا سامنا کرنا پڑا تو اس نے ایران کے خلاف پراکسی وار کا حربہ اختیار کر لیا- بریگیڈیئر جنرل احمد رضا پوردستان نے افغانستان اور عراق میں امریکا کی موجودگی کی جانب اشارہ کرتے ہوئے کہا کہ امریکا کا اصلی ہدف اسلامی جمہوریہ ایران تھا لیکن رہبر انقلاب اسلامی کی دانشمندانہ قیادت، عوام کی ہوشیاری اور مسلح افواج کی آمادگی کے پیش نظر اسے اپنے مقصد میں ناکامی کا منہ دیکھنا پڑا-