سعودی عرب نے یمن میں کلسٹر بموں کا استعمال کیا ہے: ہیومن رائٹس واچ

ہیومن رائٹس واچ نے اس بات کی تصدیق کردی ہے کہ سعودی عرب نے یمن میں کلسٹر بموں کا استعمال کیا ہے-
اطلاعات کے مطابق ہیومن رائٹس واچ میں یمن کے امور کی انچارج بلقیس ویلی نے ایک انٹرویو میں یمن کے شہروں پر عرب اتحاد کے ہوائی حملوں میں کلسٹر بموں کے استعمال کی شکایت درج کرلی ہیں- ان کا کہنا تھا کہ سعودی اتحاد نے یمن پر ہونے والے اپنے ہوائی حملوں میں تنن قسم کے کلسٹر بم استعمال کئے ہیں اور اس طرح کے ہتھیاروں کا استعمال بین الاقوامی قوانین اور معاہدوں کی رو سے ممنوع ہے- بلقیس ویلی نے مزید کہا کہ ہم نے یہ بھی اپنے یہاں درج کیا ہے کہ یمن میں ان بموں سے عام شہریوں کو نشانہ بنایا گیا ہے۔ ادھر یمن کی وزارت صحت نے بھی سعودی حملوں میں کلسٹر بموں سمیت ممنوعہ ہتھیاروں کے استعمال کی خبروں کی تصدیق کی ہے- یمنی وزارت صحت نے ایک بیان میں کہا ہے کہ اس کے پاس یمن پر ہونے والے سعودی عرب کے حملوں میں ممنوعہ ہتھیاروں کے استعمال کے ثبوت و شواہد موجود ہیں-