جے ایس او کے جوان ہمارا قیمتی سرمایہ ہیں، علامہ عارف واحدی

جعفریہ اسٹوڈنٹس آرگنائزیشن پاکستان کے مرکزی قائم مقام صدر عبداللہ رضا نے آج راولپنڈی میں شیعہ علماء کونسل کے مرکزی سیکرٹری جنرل علامہ عارف واحدی سے ملاقات کی۔ ملاقات میں مرکزی قائم مقام صدر عبداللہ رضا نے جے ایس او پاکستان کی کارکردگی پیش کی۔ اس موقع پر علامہ عارف واحدی کا کہنا تھا کہ آپ طلباء قوم کا قیمتی سرمایہ ہیں۔ قوم و ملت کی نظریں آپ پر مرکوز ہیں اور آپ ہی ہماری ملت کا مستقبل ہیں۔ سیکرٹری جنرل شیعہ علماء کونسل نے مزید کہا کہ آپ اپنے آپ کو جس طرح تیار کریں گے، قوم کا مستقبل بھی وہی ہوگا۔ ضرورت اس بات کی ہے کہ آپ اپنے توجہات کا مرکز اپنی تعلیم کو بنائیں۔ آپ کی تعلیم آپ کی اولین ترجیح ہونی چاہیے اور ہر یونیورسٹی، ہر کالج اور ہر بورڈ میں جے ایس او کے نوجوانون کو اولین پوزیشنوں پر ہونا چاہیے۔

اس موقع پر وزیر گلگت بلتستان کے دیدار علی بھی موجود تھے۔ انہوں نے کہا کہ جے ایس او ایک الٰہی تنظیم ہے۔ یہ پاکستان میں وہ واحد طلباء تنظیم ہے کہ جو براہ راست نمائندہ ولی فقیہ کے زیر نگرانی کام کر رہی ہے۔ آپ لوگوں کو فخر ہونا چاہیے کہ آپ کی سرپرستی نمائندہ ولی فقیہ علامہ سید ساجد علی نقوی کر رہے ہیں۔ آپ اس بات کا یقین رکھیں کہ جب تک آپ اس لڑی سے بندھے رہیں گے، دنیا و آخرت میں عزت و کامیابی آپ کا مقدر رہے گی۔