پاکستان
بالواسطہ یا بلاواسطہ پاکستانی فوج شام بھجوائی گئی تو احتجاج کریں گے، خورشید شاہ
قومی اسمبلی میں قائد حزب اختلاف سید خورشید شاہ نے کہا ہے کہ ریٹائرڈ پاکستانی فوجی افسروں کو شام بھجوایا گیا تو احتجاج کریں گے، پاکستان کو دوسروں کی جنگ نہیں لڑنی چاہئے۔ اسلام آباد میں پیپلز پارٹی، عوامی نیشنل پارٹی اور مسلم لیگ قاف کا مشترکہ اجلاس منعقد ہوا۔ پیپلز پارٹی کے ذرائع کے مطابق اجلاس میں چوہدری نثار کے مبینہ غیر مناسب رویے پر ارکان نے احتجاج اور ڈیڑھ ارب ڈالرز سعودی امداد پر تشویش کا اظہار کیا۔ قائد حزب اختلاف خورشید شاہ نے کہا کہ بالواسطہ یا بلاواسطہ پاکستانی فوج شام بھجوائی گئی تو احتجاج کریں گے، امداد پر اعتراض نہیں مگر پاکستان کو دوسروں کی جنگ نہیں لڑنا چاہئے، وزیراعظم سینیٹ نہیں جا رہے تو پارلیمنٹ کا مشترکہ اجلاس بلالیں۔