دہشتگردوں کو شروع میں ہی کچل دیا جاتا تو بیگناہ لوگوں کا خون خرابہ نہ ہوتا، شیعہ علماء کونسل
26 فروری, 2014 10:49
شیعہ علماء کونسل پاکستان پنجاب کے رہنما چوہدری فدا حسین گھلوی، علامہ سید ضمیرالحسن نقوی، علامہ سید مجاہد عباس گردیزی نے ملتان میں اپنے مشترکہ بیان میں کہا کہ دہشت گردی ملک میں ناسور کی حیثیت اختیار کرچکی ہے جس کی ذمہ دار حکومت ہے، اگر دہشت گردوں کو شروع میں ہی کچل دیا جاتا تو بے گناہ لوگوں کا خون خرابہ نہ ہوتا، اُنہوں نے کہا کہ دہشت گردوں نے آئین پاکستان کے خلاف بغاوت کی ہوئی ہے، اس لیے وہ کسی بھی رعایت کے مستحق نہیں ہیں۔ اُنہوں نے کہا کہ جو گروہ دہشت گردوں کو محفوظ راستہ دینا چاہتے ہیں، اُن کا بھی محاسبہ کیا جانا چاہیے۔
