کالعدم تحریک طالبان میں اسلامی اقدار جیسی کوئی چیز نہیں، بلاول زرداری

پاکستان پیپلز پارٹی کے سربرست اعلیٰ بلاول بھٹو زرداری نے کہا ہے کہ پاکستان کا آئین تو اسلامی ہے لیکن دہشت گرد کالعدم تحریک طالبان میں اسلامی اقدارجیسی کوئی چیز نہیں۔ اپنے ٹوئٹر پیغام میں کالعدم دہشت گرد تحریک طالبان کے ترجمان کے بیان پر تنقید کرتے ہوئے بلاول بھٹو زرداری نے کہا کہ شاہد اللہ شاہد کہتے ہیں کہ پاکستان کا آئین اسلامی نہیں ایسا لگتا ہے کہ شاہد اللہ شاہد نے آئین پڑھا ہی نہیں جب کہ ہمارا آئین مکمل طور پر اسلامی اصولوں سے مطابقت رکھتا ہے۔