کراچی:بم حملے میں پاکستان بحریہ کے شیعہ افسر بیوی سمیت شدید زخمی

نمائندے سے ملنے والی اطلاعات کے مطابق کراچی کے فوجی علاقے بحریہ کالج کی پارکنگ میں کالعدم لشکر جھنگوی کے ملک دشمن دہشتگردوں کی جانب سے پاکستان نیوی کے ادارے پی این ایس راحت کے سینیر آفیسر 29 سالہ سید آصف کاظمی کی گاڑی پر آج بم ھماکہ کیا گیا ہے۔ بم ھماکے کے نتیجے میں آفیسر سید آصف کاظمی اور اُن کی زوجہ شدید زخمی ہوگئی ہیں، جنہیں آرمی کے نجی اسپتال منتقل کردیا گیا ہے۔

دھماکے کے نتیجے میں زخمی ہونے والے نیوی کے شیعہ آفیسر سید آصف کاظمی اور اُن کی زوجہ کی حالت انتہائی تشویش ناک بتائی جارہی ہے۔ جبکہ پولیس کا کہنا ہے کہ آرمی علاقے میں بم دھماکہ ہونے کی وجہ سے تفتیش کی اجازت پاکستان آرمی کی خفیہ ایجنسی IB کی طرف سے نہیں دی جارہی، لہذا پولیس بم دھماکے کی نوعیت بتانے سے قاصر ہے۔

زرائع کے مطابق پاکستان نیوی کے شیعہ آفیسر آصف کاظمی کی گاڑی کو فوجی علاقے میں اُس وقت نشانہ بنایا گیا جب نیول ایریا میں نیول چیف بھی موجود تھے۔ زرائع کے مطابق دھماکہ خیز مواد شیعہ آفیسر کی گاڑی میں ڈرائیونگ سیٹ کے نیچے نصب کیا گیا تھا۔