مقبوضہ فلسطین: افریقی مہاجرین کے اخراج کا سلسلہ جاری
13 مارچ, 2014 10:19
صہیونی اخبار ھاآرتص کی آج کی اشاعت کے مطابق اسرائیل کے سیکیورٹی ذرائع نے اعلان کیا ہے کہ حالیہ دنوں میں درجنوں افریقی مہاجرین کو مقبوضہ سرزمینوں سے نکال دیا گیا ہے۔ صہیونی حکومت نے حالیہ دنوں میں یوگینڈا اور دیگر افریقی ملکوں سے مقبوضہ فلسطین آنے والے مہاجرین کے اخراج کے دوسرے مرحلے کا آغاز کردیا ہے۔ افریقی مہاجرین نے کئی مہینوں سے صہیونی حکومت کی نسل پرستانہ پالیسیوں کے خلاف وسیع پیمانے پر اجتجاجی مظاہرے شروع کررکھے ہیں۔ یہ افریقی مہاجرین صہیونی حکومت میں ورک پرمنٹ اور میڈیکل انشورنس کے حصول کا مطالبہ کررہے ہیں۔ صہیونی حکومت کی نسل پرسانہ حکومت کے بنیادی آئین کے مطابق اس حکومت کے حکام افریقی مہاجرین کو مقبوضہ فلسطین میں بغیر مقدمہ چلائے ایک سال تک قید رکھ سکتے ہیں۔یادرہے 55 ہزار افریقی مہاجرین اس وقت اسرائیل میں موجود ہیں۔
