بیت المقدس کی اہانت،آگ سے کھیلنے کے مترادف ہے:فلسطینی حکام کا انتباہ

فلسطین نیشنل اتھارٹی کے ایک اعلیٰ حکام نے مقبوضہ فلسطین اور بیت المقدس کے مقدس مقامات سے صہیونی حکومت کے خطرناک کھیل کے نتائج پرخبردارکیا ہے۔
احمد الربیدی نے اس بارے کہا ہے کہ صہیونی حکومت، اسلامی اورعیسائی مقدس مقامات کی بے حرمتی کرکے آگ سے کھیل رہی ہے۔
انہوں نے مزید کہا ہے کہ اسرائیل کومعلوم ہے کہ بیت المقدس میں مقدس مقامات کی اہانت کی تاثیر فلسطین سے دیگرعلاقو ں میں پھیل جائے گی۔
یادرہے کہ ۲۰۰۰ء کے دوران صہیونی حکومت کے سابقہ وزیراعظم ایریل شارون کے مسجدالاقصیٰ کے وزٹ کے دوران فلسطینیوں میں غم وغصہ کی لہردوڑگئی تھی۔
قابل ذکرہے کہ اسرائیلی پارلیمنٹ منگل کے روز مسجدالاقصیٰ کو صہیونی حکومت کے زیرکنٹرول قراردینے کے لیے ایک اجلاس منعقد کررہی ہے کیونکہ یہودیوں کا دعویٰ ہے کہ مسجدالاقصیٰ،یہودیوں کے دواصلی مندروں کے مقام پرواقع ہے۔