فلسطین: حماس پر لگائے گئے الزامات کی تردید
فلسطین کے اطلاع رسانی کے مرکز کی رپورٹ کے مطابق فلسطین کی منتخب حکومت نے اپنے ہفتہ وار اجلاس میں ایک بیان شائع کرکے مصر کے داخلی امور ميں فلسطینیوں کی مداخلت سے متعلق الزامات کی تردید کرتے ہوئے کہا ہے کہ یہ الزامات باطل اور بے بنیاد و بے اساس ہیں اور اس قسم کے الزامات پیش کرنےکا مقصد حماس کے لئے عوامی حمایت اور مصر میں مزاحمت کو کمزور کرنا ہے۔ فلسطین کی منتخب حکومت نے تحریک حماس اور مزاحمت کے خلاف مصری پروپگنڈوں کو صہیونی ریاست کے اہداف کی راہ میں قرار دیا اور مصری حکام سے مطالبہ کیا کہ وہ ملت فلسطین کے خلاف دشمنانہ پروپگنڈوں کا خاتمہ دے ۔ تحریک حماس کے ترجمان سامی ابو زھری نے بھی ایک بیان میں 25 جنوری کے انقلاب کے دوران مصری قیدیوں پر حملے میں شراکت پر مبنی ، فلسطینیوں کے خلاف مصر کی عبوری حکومت کے الزامات کو مسترد کردیا ۔ مصری حکام ، فلسطینی مجاہدین کو داخلی امور میں مداخلت اور سینائے مصر کے علاقے میں دھماکے کرائے جانے کا الزام عائد کررہے ہیں ۔