فلسطینیوں پر صیہونی فوجیوں کی جاری جارحیت
25 اکتوبر, 2013 10:27
غرب اردن میں صیہونی فوجیوں کی جارحیت کے نتیجے میں ایک اور فلسطینی مسلمان شہید ہوگیا ۔ یہ فلسطینی جوان کچھہ دنوں قبل صیہونی فوجیوں کی جارحیت میں زخمی ہوگيا تھا جو کئی ہفتوں کی تکلیف برداشت کرنے کے بعد شہید ہوگیا ۔ اطلاعات کے مطابق فلسطینیوں اور صیہونی فوجیوں کے درمیان ہونے والی جھڑپوں کے وقت یہ فلسطینی جوان اپنی گاڑی میں بیٹھا ہوا تھا جس پر صیہونی فوجیوں نے زہریلی گیس کے گولے سے حملہ کیا جس میں زخمی ہوگیا اور آج زخموں کی تاب نہ لاتے ہوئے شہید ہوگیا۔ قابل ذکر ہے کہ غرب اردن میں حال ہی میں ایک اور فلسطینی سر میں گولی لگنے کے نتیجے میں شہید ہوا تھا ۔
