مسجد اقصیٰ کی دیوار براق کو خراب کرنے کی صہیونی سازش

فلسطین الآن کی آجکی رپورٹ کے مطابق مقبوضہ القدس کے اسلامی وقف بورڈ کے ڈائرکٹر شیخ عزام الخطیب نے اعلان کیا کہ صہیونی حکومت کے بلڈوزروں نے کل ایک مذہبی عمارت کی تعمیر کےبہانے مسجد الاقصی کے مغربی حصہ ،دیوار براق میں کھدائی کا آغاز کیا۔ الخطیب نے اس اقدام کو دیوار براق کو خراب کرنےکےلئے صہیونی سازش قرار دیتے ہوئے کہا کہ فلسطینی وقف بورڈ دیوار براق میں کسی بھی کھدائی کے خلاف ہے۔ انہوں نے مزید کہا کہ صہیونی حکومت نے اس سے قبل مارچ میں بھی دیوار براق کے شمالی حصے کو خراب کیا تھا۔
اس سے ایک سال قبل فلسطینی وکیل "ناصر قیس ” نے انکشاف کیا تھا کہ صہیونی حکومت دیوار براق کے شمالی حصےمیں ایک چار منزلہ عمارت کی تعمیر کے درپے ہے جو حقیقت میں مسجدالاقصی کے نیچے کھودے گئے ٹنلوں کا دروازہ ہے۔