لبنان
لبنانی صدر: ملک کی سیاسی پارٹیاں قومی مفادات کو ترجیح دیں
بیروت سے لبنان کی سرکاری نیوز ایجینسی کی رپورٹ کے مطابق لبنان کے صدر میشل سلیمان نے اتوار کی رات کہا کہ ملک کے تمام سیاسی گروہ نئی حکومت کی تشکیل کے لئے اپنے تمام اختلافات کو بالائے طاق رکھ دیں اور نئی حکومت کی تشکیل میں کوئی دقیقہ فروگذاشت نہ کریں۔ لبنان کے صدر نے مزید کہا کہ لبنان کی باشندوں کو اس وقت شدید ترین مشکلات کا سامنا ہے اور معاشی مسائل سے عوام پریشان ہیں ، جبکہ اس ملک کے بعض سیاستدان وزارتوں اور حکومتی عہدوں کے پیچھے لگے ہوئے ہیں۔ لبنان کے صدر میشل سلیمان نے وضاحت کی کہ ملک میں ایسی حکومت برسراقتدار آئے کہ جو عوام کی توقعات کو پورا کرسکے۔ لبنان کے صدر نے اسی طرح صدارتی اور دیگر انتخابات کے آئین کے مطابق انعقاد پر تاکید کی۔