رہبر انقلاب اسلامی کو حزب اللہ لبنان کی مبارکباد
08 فروری, 2014 09:28
حزب اللہ لبنان کے پارلیمانی دھڑے نے مبارکباد کے اپنے پیغام میں تاکید کے ساتھ کہا ہے کہ مختلف شعبوں میں ایران کو حاصل ہونے والی عظیم کامیابیاں، قابل افتخار ہیں جن سے ایرانی قوم کا سر، فخر سے بلند ہوا ہے۔ اس پیغام میں اسلامی جمہوریہ ایران کے بانی حضرت امام خمینی (رہ) کو خراج تحسین پیش کرتے ہوئے کہا گیا ہے کہ ایرانی قوم نے اسلامی انقلاب کو کامیاب بنانے اور ایران کی آزادی و استقلال کیلئے بہت زیادہ قربانیاں پیش کی ہیں۔ حزب اللہ لبنان کے پارلیمانی دھڑے نے غاصب صیہونی حکومت کے مقابلے میں لبنانی عوام کی برحق استقامت اور لبنان میں امن و استحکام کی برقراری کیلئے ایرانی حمایت و امداد کی قدردانی بھی کی۔
