لبنان میں سرگرم ایک دھشتگرد گرفتار
30 مئی, 2013 21:17
لبنانی سکیوریٹی ذرائع نے کہا ہے کہ سکیورٹی فورسز نے ایک دہشتگرد گروہ کو گرفتار کرلیا ہے جو لبنان میں متعدد دہشتگردانہ کاروائيوں میں ملوث ہے۔ اس سلسلے میں لبنان کے اخبار الجمہوریہ نے رپورٹ دی ہے کہ یہ دہشتگرد گروہ لبنانی اور شامی افراد پر مشتمل تھا اور اس نے شام کے فوجیوں اور لبنان کے عوام کےخلاف متعدد دہشتگردانہ کاروائياں کی ہیں۔ قابل ذکرہے لبنان کے شمالی علاقوں میں حالیہ دنوں میں مسلح افراد کے درمیاں جھڑپيں ہوئي ہیں جن میں دسیوں افراد ہلاک اور سیکڑوں زخمی ہوئے ہیں۔
