استقامت نے خطے کے لوگوں کو عزت و وقار اور آزادی دی
حزب اللہ لبنان کے رہنماؤں نے کہا ہے کہ استقامت خطے میں امریکہ اور اسرائیل کے تسلط کر تمام راستے بند کردے گي۔
ارنا کی رپورٹ کے مطابق حزب اللہ لبنان کی ایگزیکٹو کونسل کے سربراہ سید ہاشم صفی الدین نے کہا ہے کہ نۓ مشرق وسطی میں امریکہ اور صیہونی حکومت کے تسلط کی کوئي گنجائش نہیں ہے۔ حزب اللہ لبنان کی ایگزیکٹو کونسل کے نائب سربراہ شیخ نبیل قاروق نے بھی کہا ہے کہ استقامت کی کامیابیوں نے خطے کے عوام کے
مقاصد کے حصول خصوصا مقبوضہ فلسطین کی آزادی اور تمام مقدسات کے احترام کۓ جانے کا راستہ ہموار کردیا ہے۔ شیخ نبیل قاووق نے شام میں امریکہ اور یورپ کی سازشوں کی جانب اشارہ کرتے ہوۓ کہا کہ دمشق صرف فلسطین اور لبنان کی حمایت کرنے کی وجہ سے دنیا کے ممالک کا نشانہ بنا ہوا ہے۔ حزب اللہ سے تعلق رکھنے والے لبنانی پارلیمنٹ کے رکن نواف موسوی نے بھی کہا ہے کہ استقامت نے خطے کے لوگوں کو عزت و وقار اور آزادی سے ہمکنار کرنے کے علاوہ ان کی اجتماعی اور اقتصادی مشکلات کو بھی برطرف کیا ہے۔