دنیا
ہندوستانی شیعہ مسلمانوں کا دورۂ اوباما کے خلاف مظاہرہ
ہندوستان کی ریاست اترپردیش کےشیعہ مسلمان جمعہ کے روز امریکی صدر کے دورۂ ہندوستان کے خلاف مظاہرے کریں گے۔ رپورٹ کے مطابق لکھنئو کی آصفی مسجد و امام بارگاہ کے امام جماعت مولانا کلب جواد نے اعلان کیا ہے کہ مسلمان ان مظاہروں میں امریکہ کی جانب سے مقبوضہ فلسطینی علاقوں میں صیہونی حکومت کے مظالم و جرائم کی حمایت اور واشنگٹن کی توسیع پسندانہ پالیسیوں کی مذمت کریں گے۔ مسلمانوں کے علاوہ ہندوستان کی بائيں بازو کی جماعتوں نے بھی اعلان کیا ہے کہ وہ اوباما کے دورۂ ہند کے خلاف مظاہرے کریں گی۔
واضح رہے کہ امریکی صدر باراک اوباما جمعہ کے روز سے ممبئی سے اپنے تین روزہ دورۂ ہندوستان کا آغاز کریں گے۔