سعودی عرب
ایران کی پالیسیاں خوش آئند، سعودی عرب
سعودی عرب کی انٹلیجنس ایجنسی کے سابق سربراہ ترکی الفیصل نے ایران اور گروپ پانچ جمع ایک کے درمیا طے پانے والے جنیوا کے جوہری سمجھوتے کی حمایت کرتے ہوئے کہا ہے کہ ایران کے صدر داکٹر روحانی، پڑوسی ملکوں کے ساتھ تعلقات کے فروغ پر خصوصی توجہ دے رہے ہیں۔انھوں نے امریکہ کے پی بی ایس ٹی وی چینل سے گفتگو کرتے ہوئے کہا کہ سعودی حکام، اسلامی جمہوریہ ایران کے صدر ڈاکٹر حسن روحانی کی پالیسیوں کو خوش آئند اور ایران کے جوہری مسئلے کو پورے علاقے کے مفاد میں سمجھتے ہیں۔ ترکی الفیصل نے کہا کہ ایران کے صدر، اپنے انتخابی وعدوں پر عمل کرنے کی بخوبی کوشش کررہے ہیں جس کے نتائج کے بارے میں کافی نیک امیدیں کی جارہی ہیں۔