سعودی عرب کی ذلت آمیز شکست
شام کے صدر بشار اسد کی سیاسی اور ذرائع ابلاغ کی مشیربثنیہ شعبان نے المیادین کے ساتھ گفتگو میں سعودی عرب اور اسرائیل کی طرف سے شام میں سرگرم دہشت گردوں کی بھر پور حمایت کی طرف اشارہ کرتے ہوئے کہا کہ سعودی ہی اصل میں یہودی ہیں اور آل سعود و آل یہود دونوں کو شام میں ذلت آمیز شکست کا سامنا ہے۔ انھوں نے کہا کہ اسرائیلی افسر سلفی وہابی دہشت گردوں کو تربیت فراہم کررہے ہیں جبکہ سعودی عرب انھیں مالی اور افرادی قوت فراہم کررہا ہے۔ بثنیہ شعبان نے کہا سعودی عرب کی انٹیلیجنس کے سابق سربراہ بندر بن سلطان کو اس لئے عہدے سے ہٹا دیا گیا کیونکہ وہ شام میں سعودی عرب کی مذموم پالیسیوں کو آگے بڑھانے میں ناکام ہوگئے، شامی صدر کی مشیر نے شام کے بارے میں ترک وزیر اعظم رجب طیب اردوغان کے مؤقف میں تبدیلی پر خوشی کا اظہار رکتے ہوئے کہا کہ شام کے بارے میں ترکی کے مؤقف میں تبدیلی شام کی فتح ہے اور شام ترکی کے مؤقف کی قدر کرتا ہے۔