سعودی عرب میں قیدیوں کے ساتھ بہیمانہ سلوک

انٹرنیٹ پر ایک ویڈیو سامنے آئي ہے جس سے واضح ہوتا ہے کہ سعودی عرب میں قیدیوں کو وحشیانہ طرح سے جسمانی ایذائيں پہنچائي جاتی ہیں۔
تسنیم نیوز کے مطابق سعودی عرب میں مختلف انٹرنیٹ سائٹوں پر ایک ویڈیو نشر ہوئي ہے جس میں بتایا گيا ہے کہ جدہ کی بریمان جیل میں ایک قیدی کے ساتھ بہیمانہ سلوک کیا جارہا ہے۔ اس ویڈیو کے سامنے آنے کے بعد سعودی عرب کے مختلف شہروں میں عوام نے احتجاجی مظاہرے کئے ہیں۔ اس ویڈیو سے آل سعود کی بگڑی ہوئي ساکھ مزید بگڑ گئي ہے اور سعودی حکام نے اس بات کی تحقیق شروع کروادی ہے کہ یہ ویڈیو کس طرح سے انٹرنیٹ پر آئي۔ واضح رہے انسانی حقوق کی تنظیموں نے بارہا رپورٹ دی ہے کہ سعودی عرب میں شہری آزادیوں اور انسانی حقوق کا سرے سے فقدان ہے اور آل سعود کے کارندے لوگوں کو بغیر کسی وجہ کے گرفتار کرکے جیلوں میں ڈال دیتے ہیں اور جیلوں میں قیدیوں کو طرح طرح سے جسمانی ایذائيں پہنچائي جاتی ہیں۔ اس وقت آل سعود کی کال کوٹھریوں میں تیس ہزار سیاسی قیدی ہیں جنہيں بغیر کسی جرم کے برسوں سے قید میں رکھا گيا ہے۔