سعودی عرب کی برطانیہ سے اسلحے کی خرید

ہمارے نمائندے کی رپورٹ کے مطابق سعودی عرب میں انسانی حقوق کی وسیع پیمانے پر خلاف ورزیوں کے باوجود برطانیہ کی حکومت نے آل سعود حکومت کو چار ارب پونڈ کا اسلحہ بیچا ہے۔ اس اسلحے میں جنگي طیارے اور ہیلی کاپٹر، بغیر پائلٹ کے طیارے، بکتر بند گاڑیاں، ٹینک اور گولہ بارود شامل ہے۔
انسانی حقوق کی بہت سی تنظیموں کا کہنا ہے کہ برطانیہ اپنا اسلحہ ڈکٹیٹر حکومتوں کو بیچ رہا ہے کہ جو اس اسلحے کو اپنے مخالفین کو کچلنے کے لیے استعمال کرتی ہیں۔
واضح رہے کہ برطانوی وزیر اعظم ڈیوڈ کیمرون نے گزشتہ سال دو بار سعودی عرب کا دورہ کیا اور خلیج فارس کے عرب ممالک کو ہتھیاروں کی فروخت کو مکمل طور پر قانونی قرار دیتے ہوئے اس کا دفاع کیا۔
۔۔۔۔۔۔۔۔۔۔۔۔۔۔