آل سعود، علاقے میں غاصب صہیونیوں کی آخری امید

غاصب اسرائیلی ریاست کی ایک یونیورسٹی نے رپورٹ شائع کی ہے جس میں سعودی عرب میں حکمراں آل سعود خاندان کو اسرائیل کی آخری امید قراردیا گیا ہے۔ پرس عربی سائٹ نے” آل سعود علاقہ میں اسرائیل کی آخری امید” کے عنوان سے لکھا ہے کہ تل ابیب کی یونیورسٹی نے ایک رپورٹ تیار کی ہے جس میں سعودی عرب کو دنیائے عرب میں اسرائیل کی آخری امید قراردیا گیا ہے رپورٹ میں کہا گیا ہے کہ حسنی مبارک، بن علی جیسے اسرائيل کے حامی عرب حکمرانوں کو عوام نے اقتدار سے الگ کردیا ہے اور اب سعودی عرب ہی ایک ایسا ملک بچا ہے جو عالم عرب میں اسرائيل کا حامی ہے۔ رپورٹ کے مطابق ایران کے مد مقابل سعودی عرب اسرائيل کا بہت بڑا حامی ہے۔ رپورٹ کے مطابق سعودی عرب ، عراق ، لبنان ، شام اور یمن میں ایران کے نفوذ کو کم کرنے کی تلاش و کوشش کررہا ہے اور آل سعود کی حجاز پر حکمرانی اسرائيل کے لئے بہت ضروری ہے، رپورٹ کے مطابق سعودی عرب خلیجی ممالک اور اردن کے ذریعہ عالم عرب میں جاری عوامی بیداری پر کنٹرول کرنے کی کوشش کررہے ہیں جو اسرائیل اور امریکہ کے مفاد میں ہے۔