مشرق وسطی
بحرین میں انسانی حقوق کی سرگرم رہنما مریم الخواجہ گرفتار
آل خلیفہ حکومت کے کارندوں نے بحرین کے انسانی حقوق مرکز کے خارجہ تعلقات کے دفتر کی سربراہ کو وطن پہنچتے ہی گرفتار کرلیا ہے۔ بحرین سے موصولہ رپورٹ کے مطابق بحرین کی انقلابی تحریک 14 فروری نے سماجی ویب سائٹ کے پیج پر بحرین کے انسانی حقوق مرکز کے خارجہ تعلقات کے دفتر کی سربراہ مریم الخواجہ کی بحرینی شہریت کی منسوخی کی طرف اشارہ کرتے ہوئے لکھا ہے کہ آل خلیفہ کے کارندوں نے ان کی وطن واپسی کے فورا بعد مریم الخواجہ کو گرفتار اور ان کسی سے حتی اپنے وکیل سے بھی رابطہ کرنے سے منع کردیا۔ واضح رہے کہ مریم الخواجہ کے والد عبدالھادی الخواجہ کو بھی آل خلیفہ حکومت نے بے بنیاد الزامات لگا کر 2011بح سےگرفتار کررکھا ہے۔
