صیہونی رژیم ہرگز فلسطین میں اسلامی مزاحمت کو ختم نہیں کر پائے گی، انصار اللہ
شیعیت نیوز: یمن کے مرکزی رہنما محمد علی الحوثی نے آج بروز جمعہ 24 مئی، صعدہ میں مظلوم فلسطینی قوم کے حق میں یمنی شہریوں کے ملین مارچ سے خطاب کیا۔
انہوں نے کہا: "غزہ کی حمایت میں جاری ہماری فوجی کاروائیوں کا قانونی اور مشروع ہونا قرآن کریم پر استوار ہے جس میں مسلمان بھائیوں اور مظلومین کا دفاع واجب قرار دیا گیا ہے۔
” یاد رہے یمن میں گذشتہ سات ماہ سے جب سے غزہ پر غاصب صیہونی رژیم کی فوجی جارحیت کا آغاز ہوا ہے ہر جمعہ کے دن مظلوم فلسطینی قوم کے حق میں ملین مارچ منعقد ہوتا آیا ہے۔
انہوں نے امریکی حکمرانوں کو مخاطب قرار دیتے ہوئے کہا کہ غزہ پر غاصب صیہونی رژیم کی فوجی جارحیت کو روکنے میں تعلل سے کام لینے کا کوئی فائدہ حاصل نہیں ہو گا کیونکہ صیہونی حکمران اس وقت بھی فلسطینیوں کی مزاحمت ختم نہیں کر پائے تھے جب وہ صرف پتھروں سے اپنا دفاع کرتے تھے ۔
یہ بھی پڑھیں:مقاومت اسلامی عراق کا حیفہ پر ڈرون حملہ
جبکہ آج تو ان کے پاس ڈرون طیارے، میزائل اور دیگر جدید ہتھیار بھی موجود ہیں لہذا غاصب صیہونی رژیم ہر گز غزہ میں اسلامی مزاحمت کو کچلنے میں کامیاب نہیں ہو گی۔
یمن کے شمال مغرب میں واقع صوبہ صعدہ میں یمنی عوام نے اپنے ملین مارچ میں یہ نعرہ لگایا کہ "ہم غزہ کے ساتھ ہیں اور ہمارا موقف باقی اور ہمارا جہاد جاری رہے گا۔
” میڈیا ذرائع نے یمن کے دارالحکومت صنعاء میں السبعین چوک اور یمن کے دیگر صوبوں مارب اور ریمہ میں بھی وسیع پیمانے پر فلسطین کے حق میں ریلیاں اور معاہدے منعقد ہونے کی رپورٹ دی ہے۔
