مشرق وسطی
شام: صہیونی اور تکفیری گٹھ جوڑ کا انکشاف
شام کی فوج نے اعلان کیا ہے کہ شام کی سرزمین پر صہیونی حکومت کے جنگی طیاروں کا حملہ اور ملک کے جنوب میں درعا کی مرکزی جیل پر دہشتگردوں کا حملہ ایک ہی وقت کیا گیا ہے۔ ارنا کی رپورٹ کے مطابق شام کی مسلح افواج کے کمانڈر نے آج اپنے ایک بیان میں صہیونی حکومت کے تازہ ہوائی حملوں کو دہشتگردوں کے خلاف شام کی فوج کی پے در پے کامیابیوں کو منحرف کرنے کی سازش قرار دیا اور کہا کہ اس ملک کی فوج نے یبرود شہر اور اس کے مضافات میں دہشتگردوں کی دفاعی لائن کو کاٹ دیا ہے اور دشمنوں سے شام کی فوج کی یہ کامیابیاں ہضم نہیں ہو رہی ہیں۔ واضح رہے کہ شام کے القنیطرہ شہر کے اطراف میں ایک فوجی چھاؤنی پر صہیونی حکومت کے ہوائی حملے میں ایک شخص ہلاک اور سات زخمی ہوگئے۔