دہشت گردی میں ملوث ابو قتادہ کو اردن پہنچنے پر جیل روانہ کردیا گيا
دہشت گردی میں ملوث سلفی وہابی ملا ابوقتادہ کو برطانیہ سے ملک بدر کرکے اردن بھیج دیا گیا جہاں اردن کی ایک عدالت نے ابو قتادہ کو دہشت گردی میں ملوث ہونے کے جرم میں جیل بھیج دیا ہے ابو قتادہ کو اردن کی ایک عدالت اس سے قبل موت کی سزا سنا چکی ہے۔اتوار کی صبح ابوقتادہ کو برطانیہ سے ملک بدر کر کے ان کے آبائی ملک ادرن روانہ کیا گیا تھا اور اب اردن میں ان پر دہشت گردی کے الزام میں مقدمہ چلے گا۔ فوجی استغاثہ نے ابوقتادہ پر دہشت گردی کے واقعات کی سازش کرنے کا الزام عائد کیا، جس میں اردن کی ایک ہزار سالہ تقریبات کے دوران اسرائیلی اور امریکی سیاحوں پر بم حملوں کا منصوبہ شامل ہے۔عدالتی حکام کا کہنا ہے کہ ابوقتادہ اپنےخاندان سے نہیں مل سکیں گے اور انہیں ریمانڈ پر اردن کی مووقار جیل میں بھیج دیا گیا ہے۔اردن کی عدالت میں ابوقتادہ کی پیشی کے موقع پر سکیورٹی کے سخت انتظامات تھے۔
