ملت بحرین کسی سازش کو کامیاب نہیں ہونے دے گي آیت اللہ شیخ عیسی قاسم

بحرین میں علماء کونسل کے سربراہ آیت اللہ شیخ عیسی قاسم نے کہا ہے کہ آل خلیفہ ملک میں فتنے پھیلانے کی کوشش کررہی ہے۔ انہوں نے آل خلیفہ کو ان فتنوں کی بابت خبردار کیا۔ المنار ٹی وی کی رپورٹ کے مطابق آیت اللہ شیخ عیسی قاسم نے الدراز شہر کی نماز جمعہ میں کہا کہ حکومت کو بحرینی معاشرے میں تفرقہ اور اختلافات پھیلانے کی کوششوں سے پرہیز کرنا چاہیے کیونکہ ملت بحرین کسی بھی سازش کو کامیاب نہیں ہونے دے گي۔ آیت اللہ شیخ عیسی قاسم نے کہا کہ آل خلیفہ سعودی عرب کی مدد سے ملت بحرین میں اختلافات پھیلا کر سیاسی تبدیلیاں لانا چاہتی ہے۔ انہوں نے کہا کہ آل خلیفہ کی تشدد آمیز کاروائيوں کی بنا پر بحرین ایک جنگ زدہ ملک بن چکا ہے۔ بحرین میں عوام نے گذشتہ شب بھی آل خلیفہ کے خلاف مظاہرے کئےتھے ۔ ملت بحرین اپنے پامال شدہ حقوق کی بازیابی اور آل خلیفہ کی جاہلانہ امتیازی پالیسیوں کے خلاف احتجاج کر رہی ہے۔