بحرین کی قومی و ارضی سالمیت کو خطرہ/عنقریب بحرین کا سعودی عرب سے الحاق
بحرین کے باخبر ذرائع نے آل خلیفہ اور آل سعود کے درمیان ہونے والے خطرناک معاہدے کی خبر دیتے ہوئے کہا ہے کہ آل خلیفہ کے منحوس خاندان نے بحرین کو آل سعود خاندان کی حاکمیت میں دینے اور سعودی عرب سے ملحق کرنےکا فیصلہ کیا ہے
آل خلیفہ اور آل سعود کے درمیان ہونے والے خطرناک معاہدے کی روشنی میں آل خلیفہ کے منحوس خاندان نے بحرین کو آل سعود خاندان کی حاکمیت میں دینے اور سعودی عرب سے ملحق کرنے کا فیصلہ کیا ہے۔اور بحرین کے بادشاہ شیخ حمد عنقریب اس کا عوام کے سامنے اعلان کریں گے۔اس سے پہلے بھی یہ خبر مختلف ذرائع میں شائع کی گئی ہے لیکن بحرین کے اخبـار الایام کے چیف ایڈيٹرنجیب الحمر نے حال ہی میں آل خلیفہ اور آل سعود کے درمیان ہونے والے خطوناک معاہدہ کا پردہ فاش کیا ہے نجیب الحمر کے بھائی نبیل الحمر بحرین کے بادشاہ شیخ حمد کے ذرائع ابلاغ کے مشیر ہیں۔ نجیب الحمر کے مطابق دونوں بادشاہوں کے درمیان اتفاق ہوگیا ہے جس کی تفصیلات سے آئندہ آگاہ کیا جائےگا۔
ذرائع کے مطابق بحرین اور سعودی بادشاہوں کے درمیان اس سلسلے میں کئی خفیہ ملاقاتیں ہوئی ہیں جس کے بعد بحرین کو سعودی عرب کے ساتھ الحاق کرنے پر اتفاق کیا گیا ہے واضح رہے کہ سعودی عرب نے بحرینی عوام کے انقلاب کو کچلنے کے لئے پہلے ہی اپنے کئی ہزار فوجی بحرین میں تعینات کررکھے ہیں، بعض ذرائع کے مطابق سعودی عرب چھوٹی چھوٹی خلیجی عرب ریاستوں کو ہڑپ کرنے کی کوشش کررہا ہے اور بحرین سے اس کا آغاز ہوگیا ہے۔
