آل خلیفہ کیطرف سےآل سعود کا شکریہ
سعودی عرب میں تعینات بحرین کے سفیر نے بحرینی عوام کو کچلنے کے سلسلے میں آل خلیفہ کی شاہی حکومت کے ساتھ تعاون کرنے پر سعودی عرب کو سراہا ہے۔
موصولہ رپورٹ کے مطابق سعودی عرب میں تعینات بحرین کے سفیر حمود آل خلیفہ نے سعودی عرب کے وزیر خارجہ سعود الفیصل کے ساتھ ملاقات میں بحرینی مظاہرین کو کچلنے کے سلسلے میں سعودی عرب کے تعاون پر اس ملک کا شکریہ ادا کرتے ہوۓ دونوں ملکوں کے درمیان سیکورٹی تعاون میں توسیع کا بھی مطالبہ کیا۔
اس رپورٹ کے مطابق بحرین کے سفیر نے سعودی عرب اور بحرین کے اسٹریٹیجک مفادات کو دونوں ممالک کے باہمی تعلقات کی تقویت کا سبب قرار دیا ۔ واضح رہے کہ بحرین میں آل خلیفہ کی شاہی حکومت کی سرنگونی اور اپنے جائز مطالبات کے حصول کے لۓ اس ملک کے عوام نے فروری کے وسط سے اپنی انقلابی تحریک شروع کر رکھی ہے اور سعودی عرب کے فوجی آل خلیفہ کی شاہی حکومت کے فوجیوں کے ساتھ تعاون کرنے کے بہانے بحرین کی سرزمین پر قبضہ کرنے کے بعد اس ملک کے عوام کا قتل عام کررہے ہیں۔