عراق شام کی جنگ میں شامل نہیں

عراق کی خبر رساں ایجنسی براثا کی رپورٹ کے مطابق عراق کے وزیر خارجہ ھوشیار زیباری نے اپنے کویتی ھم منصب صباح خالد الصباح کے ساتھ جو ان دنوں بغداد کے دورے پر ھیں مشترکہ پریس کانفرنس سے خطاب کرتے ہوئے کہا کہ عراق،شام کی جنگ میں شریک نہیں ہے اور اس ملک میں جاری جھڑپوں میں کسی بھی فریق کے خلاف کاروائی نہیں کر رہا۔
عراق کے وزیر خارجہ نے کہا کہ بغداد نے شام کی حکومت اور مخالفین کے ساتھ گفتگو کے تمام راستے کھلے رکھے ھیں تاھم ان کا کہنا تھا کہ عراق،شام کی جنگ اور اس جنگ میں لوگوں کو بھجوانے کا مخالف ہے۔
عراق نے ھمیشہ ہی شام کے بحران کوپر امن طریقے سے حل کرنے پر تاکید کرتے ہوئے غیر ملکی مداخلت کی مخالفت کی ہے۔
علاقائی اور عالمی حمایت یافتہ شامی دھشتگردوں کی جو شام کی حکومت کے خلاف دھشتگردانہ کاروائیوں میں ملوث ھیں یہ کوشش ہے کہ اس جنگ کے دائرے کو شام کے ھمسایہ ملکوں من جملہ عراق اور شام تک پھیلایا جائے۔